Травень абяцае балаваць цёплым сонейкам і шэрагам шыкоўных падзей з гістарычным густам!
Цягам усіх травеньскіх выходных падрыхтавалі для вас тэматычныя экскурсіі па эпохах, ад часоў ранняга сярэднявечча да падзей ВАВ. Вас чакаюць займальныя расповеды, дэталізаваная рэканструкцыя старадаўнічах часоў і захапляльныя майстар-класы.
Дзяржаўныя выходныя 1, 5, 9, 13, 14 траўня - 10:00 да 18:00.
Звычайныя дні аўторак-нядзеля з 10:00 да 18:00, каса да 17:00.
УВАГА! 18 траўня - 10:00 да 20:00
25 траўня Дукорскі маёнтак НЕ працуе.
Запрашаем на тэматычныя экскурсіі*:
9 траўня - рэканструкцыя эпохі "Вялікая Айчынная вайна"
11 траўня - рэканструкцыя эпохі "Першая сусветная вайна"
12-13 траўня - рэканструкцыя эпохі "Напалеоніка"
18-19 траўня - рэканструкцыя эпохі "Беларускія землі XVI-XVIII стст."
18 траўня - НОЧ МУЗЕЯЎ (вячэрняя праграма): рэканструкцыя эпохі Сярэднявечча.
26 траўня - рэканструкцыя эпохі Сярэднявечча.
*уваходзіць у кошт квітка.
18-19 траўня вяртаемся ў эпоху Адраджэння. Час росквіту свецкай культуры з яе сармацкімі партрэтамі, шматлікімі палацамі, кнігадрукаваннем, "Полацкім сшыткам" і мядзведжай акадэміяй. Час славы і годнасці рыцараў Вялікага Княства Літоўскага ды іх дужых коней.
Запрашаем весела бавіць час згодна са старажытнымі традыцыямі! Давайма разам знаёміцца з тутэйшымі гульнямі, забаўкамі, свецкім і ваярскім жыццём мясцовых уладароў.
12-13 траўня
XIX ст. - часы росквіту Дукорскага маёнтка. Дзіўны час, у якім спалучыліся раскоша бальнай культуры і жах вайны 1812 г.
12-13 траўня ўзгадаем падзеі той эпохі. Перад вашымі вачыма паўстануць ваяры часоў эпохі Напалеона.
У рэканструктарскім паходным ваенным лагеры з 12:00 да 17:00 вас чакаюць дэманстрацыя дзеянняў пяхоты, расповеды пра зброю і рыштунак. Не забудземся пра галантнасць: пазнаёмімся з аспектамі свецкага жыцця фузілераў-грэнадзёраў. Пасочым за працай і побытам французскіх маркітантак.
11 траўня прысвячаем Першай сусветнай вайне.
Паслухаць гістарычныя даведкі і пазнаёміцца з рэканструкцыяй эпохі можна на інтэрактыўнай пляцоўцы Дукорскага маёнтка ўжо 11 траўня:
- афіцэрскі сход: пачастункі, посуд, расповед пра быт афіцэраў і іх дам;
- выстава артэфактаў часоў Першай сусветнай вайны;
- шабельны бой;
- шпіталь: інструменты і праца сясцёр Міласэрнасці;
- расповеды пра рыштунак і ўзбраенне салдатаў на адпаведнай фотазоне.
Дзень Перамогі ў Дукорскім маёнтку: праграма-рэканструкцыя для ўсіх жадаючых!
Здаецца, няма ніводнага кавалачка беларускай зямлі, які не быў крануты Вялікай Айчыннай вайной. Дукора таксама апынулася ў цэнтры гістарычных падзей: узарваны палац, дзе мясціліся нямецкія штаб і турма, кулямёт на верхнім ярусе брамы, гета і вялізная колькасць яго ахвяр, партызанскі атрад.
Гэтаму часу прысвячаем тэматычную праграму*. На інтэрактыўнай пляцоўцы цягам усяго дня вас чакае:
- курсы СПА, дзе пад кіраўніцтвам лётчыка, госці будуць вучыцца пазнаваць самалёты па іх ценю;
- курсы радыста: вывучаем азбуку Морзэ;
- курсы сапёраў: праца на “мінным полі”;
- рэканструкцыя ваеннага шпіталя, формы і узбраення ваяроў;
- расповеды пра рыштунак і ўзбраення салдатаў на адпаведнай фотазоне;
- музычная культура часоў ВАВ.
Кошт квіткоў*: Дарослыя - 20 BYN;
Дзеці 7-18 гадоў - 10 BYN;
Дзеці да 7 год, інваліды 1-2 груп, ветэраны ВАВ - бясплатна.
*у кошт уваходзіць наведванне ўсіх аб'ектаў комплексу і ўдзел у экскурсіях. Папярэдні запіс не патрэбны.